ಸಂಚಾರಿ ನಿಯಮ ಉಲ್ಲಂಘನೆಗ 50% ರಿಯಾಯಿತಿಯೊಂದಿಗೆ ದಂಡ ಪಾವತಿಸಲು ಸಾರಿಗೆ ಇಲಾಖೆ ಆಫರ್ ನೀಡಿರುವ ಬೆನ್ನಲ್ಲೇ ಭಾರೀ ದಂಡದ ಮೊತ್ತ ವಸೂಲಿಯಾಗಿದೆ
10 ದಿನಗಳ ಅಂತರದಲ್ಲಿ ಬರಿಬ್ಬೊರಿ 100 ಕೋಟಿ ರೂ.ದಂಡ ಪಾವತಿ ಮಾಡಲಾಗಿದೆ.
ಇನ್ನು ರಾಜ್ಯದಲ್ಲಿ ದಂಡ ಪಾವತಿಗೆ ನೀಡಿದ ಶೇ.50 ರಿಯಾಯಿತಿಗೆ ಉತ್ತಮ ಪ್ರತಿಕ್ರಿಯೆ ಲಭ್ಯವಾಗಿರುವ ಹಿನ್ನೆಲೆಯಲ್ಲಿ ಸಾರಿಗೆ ಇಲಾಖೆ ರಾಜ್ಯ ಸರಕಾರದ ಜೊತೆ ಚರ್ಚಿಸಿ ರಿಯಾಯಿತಿಯನ್ನು ಮುಂದುವರಿಸಲು ಚಿಂತನೆ ನಡೆಸಲಿದೆ ಎನ್ನಲಾಗಿದೆ.
ರಿಯಾಯಿತಿಯಲ್ಲಿ ದಂಡ ಪಾವತಿಗೆ ಕೊನೆಯ ದಿನವಾದ ಶನಿವಾರ ದಂಡ ಪಾವತಿಗೆ ನೂಕು ನುಗ್ಗಲು ಉಂಟಾಗಿತ್ತು. ಕೆಲ ಪೊಲೀಸ್ ಠಾಣೆ ಮುಂಭಾಗ ಜನರು ಸಾಲುಗಟ್ಟಿ ನಿಂತಿರುವುದು ಕಂಡು ಬಂದಿದೆ.
ಈ ಅವಧಿಯಲ್ಲಿ ಒಟ್ಟು 26.26 ಲಕ್ಷ ಸಂಚಾರ ನಿಯಮ ಉಲ್ಲಂಘನೆ ಮಾಡಿರುವ ಪ್ರಕರಣಗಳು ಇತ್ಯರ್ಥಗೊಳಿಸಲಾಗಿದೆ ಎನ್ನಲಾಗಿದೆ.
