ಕೋಲಾರ:ಪತ್ನಿಯ ಜೊತೆ ಜಗಳ ಮಾಡುತ್ತಿದ್ದವನನ್ನು ಬಿಡಿಸಲು ಹೋದ ಸಂಬಂಧಿಯನ್ನೇ ವ್ಯಕ್ತಿಯೋರ್ವ ಕೊಲೆ ಮಾಡಿರುವ ಘಟನೆ ನಗರದ ಬಂಬುಬಜಾರ್ನಲ್ಲಿ ನಡೆದಿದೆ.
ಫಯಾಜ್ ಎಂಬುವನು ತನ್ನ ಪತ್ನಿಯ ತಂಗಿಯ ಗಂಡ ತಾಜ್ ನನ್ನು ಕೊಲೆ ಮಾಡಿದ್ದಾನೆ.
ಫಯಾಝ್ ಎನ್ನುವಾತ ಪತ್ನಿ ಜೊತೆ ದಿನಾ ಗಲಾಟೆ ಮಾಡುತ್ತಿದ್ದರು.ಇದನ್ನು ಸಂಬಂಧಿಯಾದ ತಾಜ್ ಪ್ರಶ್ನೆ ಮಾಡಿದ್ದಾನೆ.ಈ ವೇಳೆ ತಾಜ್ ಗೆ ಚಾಕುವಿನಿಂದ ಇರಿದು ಕೊಲೆ ಮಾಡಿದ್ದು, ಮತ್ತೋರ್ವ ಸಂಬಂಧಿಯ ಮೇಲೂ ಕೊಲೆ ಯತ್ನ ನಡೆಸಿದ್ದಾನೆ.
ಇದೀಗ ಆರೋಪಿ ಫಯಾಝ್ ನನ್ನು ಗಲ್ಪೇಟೆ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಫಯಾಝ್ ಕುಡಿದು ಬಂದು ಮನೆಯಲ್ಲಿ ಗಲಾಟೆ ಮಾಡುತ್ತಿದ್ದರಿಂದ ಮೂರು ತಿಂಗಳ ಹಿಂದೆ ಪತ್ನಿ ತಜ್ಜೂನ್ನೀಸಾ ತವರು ಮನೆಗೆ ಬಂದಿದ್ದಳು.ಮಾ.19ರಂದು ಪಯಾಝ್ ಮನೆಗೆ ಮಾತನಾಡಿಸಲು ತೆರಳಿದ್ದ ಸಂದರ್ಭದಲ್ಲಿ ಇಬ್ಬರ ನಡುವೆ ಗಲಾಟೆ ಆರಂಭವಾಗಿದೆ.
ತಾಜ್ ಹಾಗೂ ಜಪ್ರುಲ್ಲಾ ಗಲಾಟೆ ಬಿಡಿಸಲು ಹೋಗಿದ್ದಾರೆ ಈ ವೇಳೆ ಫಯಾಜ್ ಏಕಾಏಕಿ ತಾಜ್ಗೆ ಚಾಕುವಿನಿಂದ ಇರಿದಿದ್ದಾನೆ. ತಾಜ್ ಸ್ಥಳದಲ್ಲೇ ಮೃತಪಟ್ಟರೆ, ಜೊತೆಗಿದ್ದ ಜಪ್ರುಲ್ಲಗೆ ಕೋಲಾರ ಜಿಲ್ಲಾ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.