ಮಹಿಳೆಯೊಬ್ಬಳು 10 ವರ್ಷ ತನ್ನ ಗಂಡನ ಜೊತೆ ಸಂಸಾರ ನಡೆಸಿ ಇದೀಗ ಪತಿಯ ತಂಗಿಯನ್ನು ವಿವಾಹವಾದ ವಿಚಿತ್ರ ಘಟನೆ ಬಿಹಾರದಲ್ಲಿ ನಡೆದಿದೆ.
32 ವರ್ಷದ ಶುಕ್ಲಾ ದೇವಿ ಎಂಬಾಕೆ ಪತಿಯ ತಂಗಿಯಾಗಿರುವ 18 ವರ್ಷದ ಸೋನು ದೇವಿಯನ್ನು ವಿವಾಹವಾಗಿರುವ ಬಗ್ಗೆ ವರದಿಯಾಗಿದೆ.ಈಕೆಗೆ ಗಂಡನ ಜೊತೆಗಿ‌ನ ಸಂಸಾರದಲ್ಲಿ ಎರಡು ಮಕ್ಕಳಿದ್ದಾರೆ.
ಶುಕ್ಲಾ ದೇವಿ ಬಿಹಾರದ ಸಮಷ್ಟಿಪುರ ಜಿಲ್ಲೆಯ ನಿವಾಸಿಯಾಗಿರುವ ಪ್ರಮೋದ್ ದಾಸ್‌ನನ್ನು ಮೊದಲು ಮದುವೆಯಾಗಿದ್ದರು.ಎರಡು ಮಕ್ಕಳಾದ ನಂತರ ಪತಿಯಿಂದ ದೂರ ಇದ್ದರು.
ಶುಕ್ಲಾ ದೇವಿ ತನ್ನ ನಾದಿನಿ ಜೊತೆ ವಿವಾಹವಾದ ನಂತರ ಹೆಸರನ್ನು ಸೂರಜ್ ಕುಮಾರ್ ಎಂದು ಬದಲಿಸಿಕೊಂಡಿದ್ದಾರೆ. ಅಲ್ಲದೆ ಸೋನುಗೆ ತಾನು ಗಂಡನೆಂಬ ಭಾವನೆ ಬರಲು ತಲೆ ಕೂದಲನ್ನು ಕೂಡ ಕತ್ತರಿಸಿಕೊಂಡಿದ್ದಾರೆ. ಜೊತೆಗೆ ಗಂಡಸರಂತೆ ಉಡುಪುಗಳನ್ನು ಧರಿಸಲು ಆರಂಭಿಸಿದ್ದಾರೆ.
ಶುಕ್ಲಾಗೆ ಪತಿಯು ವಿವಾಹಕ್ಕೆ ವಿರೋಧಿಸಿಲ್ಲ.ಇಬ್ಬರೂ ಕೂಡ ಸಂತೋಷವಾಗಿರಲಿ ಎಂದು ಹಾರೈಸಿದ್ದಾರೆ.
