ಉತ್ತರಪ್ರದೇಶ; ಏಪ್ರಿಲ್ 15 ರಂದು ಪತಿ ಗುಂಡೇಟಿಗೆ ಬಲಿಯಾದ ನಂತರವೂ ತಲೆಮರೆಸಿಕೊಂಡಿರುವ ಅತೀಕ್ ಅಹ್ಮದ್ ಅವರ ಪತ್ನಿ ಶೈಸ್ತಾ ಪರ್ವೀನ್‌ಗಾಗಿ ಉತ್ತರ ಪ್ರದೇಶ ಪೊಲೀಸರು ಶೋಧ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದ್ದಾರೆ.
ಶೈಸ್ತಾ ಜೊತೆಗೆ, ಉಮೇಶ್ ಪಾಲ್ (2005 ರ ಶಾಸಕ ರಾಜು ಪಾಲ್ ಹತ್ಯೆ ಪ್ರಕರಣದ ಪ್ರಮುಖ ಸಾಕ್ಷಿ) ಹತ್ಯೆ ಕೇಸ್ ನ ಇತರ ಮೂವರು ಶೂಟರ್‌ಗಳು ಸಹ ತಲೆಮರೆಸಿಕೊಂಡಿದ್ದಾರೆ.
ಪೊಲೀಸ್ ಮೂಲಗಳ ಪ್ರಕಾರ, ಪೊಲೀಸರು ಶೈಸ್ತಾ ಪರ್ವೀನ್‌ಗಾಗಿ ಗ್ರೇಟರ್ ನೋಯ್ಡಾ, ಮೀರತ್, ದೆಹಲಿ, ಓಖ್ಲಾ ಮತ್ತು ಪಶ್ಚಿಮ ಬಂಗಾಳದ ಸ್ಥಳಗಳಲ್ಲಿ ಹುಡುಕುತ್ತಿದ್ದಾರೆ.
ಶೈಸ್ತಾ ಪರ್ವೀನ್‌ಗೆ ಸಹಾಯ ಮಾಡಿದ ಶಂಕಿತ 20 ಕ್ಕೂ ಹೆಚ್ಚು ಜನರನ್ನು ಪೊಲೀಸರು ಗುರುತಿಸಿದ್ದಾರೆ. ಗುರುತಿಸಲ್ಪಟ್ಟವರಲ್ಲಿ ಒಬ್ಬ ಮಹಿಳಾ ವೈದ್ಯೆ ಮತ್ತು ಶೈಸ್ತಾ ಅವರ ಹಲವಾರು ಸಂಬಂಧಿಕರು ಸೇರಿದ್ದಾರೆ. ಶೈಸ್ತಾ ಬಗ್ಗೆ ಮಾಹಿತಿ ನೀಡಿದವರಿಗೆ 50,000 ನಗದು ಬಹುಮಾನ ನೀಡುವುದಾಗಿ ಘೋಷಿಸಿದ್ದಾಗಿ ವರದಿಯಾಗಿದೆ.
ಅತಿಕ್ ಅಹ್ಮದ್ (60) ಮತ್ತು ಅಶ್ರಫ್ ಅವರನ್ನು ಶನಿವಾರ ರಾತ್ರಿ ಉತ್ತರ ಪ್ರದೇಶದ ಪ್ರಯಾಗ್‌ರಾಜ್‌ನಲ್ಲಿರುವ ವೈದ್ಯಕೀಯ ಕಾಲೇಜಿಗೆ ತಪಾಸಣೆಗಾಗಿ ಪೊಲೀಸ್ ಸಿಬ್ಬಂದಿ ಬೆಂಗಾವಿನಲ್ಲೇ ಕರೆದುಕೊಂಡು ಹೋಗುವಾಗ ಪತ್ರಕರ್ತರಂತೆ ನಟಿಸಿದ ಮೂವರು ದುಷ್ಕರ್ಮಿಗಳು ಶೂಟ್ ಮಾಡಿ ಹತ್ಯೆ ಮಾಡಿದ್ದಾರೆ.ಕ್ಯಾಮೆರಾ ಕಣ್ಣಿಗೆ ಸೆರೆಯಾದ ಕೃತ್ಯ ದೇಶದಾದ್ಯಂತ ಭಾರೀ ಚರ್ಚೆಗೆ ಕಾರಣವಾಗಿತ್ತು.
ಮೂವರು ದುಷ್ಕರ್ಮಿಗಳನ್ನು ಸೋಮವಾರ ಪ್ರಯಾಗ್‌ರಾಜ್ ಕೇಂದ್ರ ಕಾರಾಗೃಹದಿಂದ ಪ್ರತಾಪ್‌ಗಢ ಜೈಲಿಗೆ ಸ್ಥಳಾಂತರಿಸಲಾಗಿದ್ದು, ಹತ್ಯೆ ಕುರಿತ ತನಿಖೆಗಾಗಿ ವಿಶೇಷ ತನಿಖಾ ತಂಡವನ್ನು (ಎಸ್‌ಐಟಿ) ರಚಿಸಲಾಗಿದೆ. ಶೂಟರ್‌ಗಳನ್ನು ಪ್ರತಾಪ್‌ಗಢ ಜಿಲ್ಲಾ ಕಾರಾಗೃಹಕ್ಕೆ ಸ್ಥಳಾಂತರಿಸಲಾಗಿದೆ ಎಂದು ಅಧಿಕಾರಿಗಳು ಪಿಟಿಐಗೆ ತಿಳಿಸಿದ್ದಾರೆ.
ಇನ್ನು ಪ್ರಕರಣಕ್ಕೆ ಸಂಬಂಧಿಸಿ ಮಹತ್ವದ ಮಾಹಿತಿಯುಲ್ಲ ಮುಚ್ಚದ ಲಕೋಟೆಯನ್ನು ನನ್ನ ಸಾವು ನಡೆದರೆ ಸಿಜೆಐಗೆ ಮತ್ತು ಯುಪಿ ಸಿಎಂ ಯೋಗಿ ಆದಿತ್ಯನಾಥ್ ಗೆ ಅತೀಕ್ ಕೊಡಲು ಅನಾಮದೇಯ ವ್ಯಕ್ತಿಗೆ ಸೂಚಿಸಿದ್ದಾರೆ ಎನ್ನಲಾಗಿದೆ.ಈ ಕುರಿತು ಅವರ ವಕೀಲ ವಿಜಯ್ ಮಿಶ್ರಾ ಮಾಹಿತಿ ನೀಡಿದ್ದಾರೆ.
