ಲೋಕಸಭೆ ಸದಸ್ಯತ್ವದಿಂದ ಅನರ್ಹರಾದ ಬಳಿಕ ರಾಹುಲ್ ಗಾಂಧಿ ಮೊದಲ ಸುದ್ದಿಗೋಷ್ಠಿ;ನಾನು ಮಾತನಾಡಲು ಅವಕಾಶ ಕೇಳಿದಾಗ ಅವರು‌ ಮನವಿ ನೋಡಿ ನಕ್ಕರು, ಕಾಂಗ್ರೆಸ್ ನಾಯಕ ಏನೆಲ್ಲಾ ಹೇಳಿದ್ರು?

ನವದೆಹಲಿ;ಕಾಂಗ್ರೆಸ್​​ ನಾಯಕ ರಾಹುಲ್​ ಗಾಂಧಿ ಲೋಕಸಭೆಯಿಂದ ಅನರ್ಹರಾದ ಬಳಿಕ ಮೊದಲ ಬಾರಿಗೆ ಸುದ್ದಿಗೋಷ್ಠಿ ನಡೆಸಿದ್ದಾರೆ.

ದೆಹಲಿಯಲ್ಲಿ ಈ ವಿಚಾರದ ಬಗ್ಗೆ ಮಾತನಾಡಿದ ರಾಹುಲ್, ದೇಶದಲ್ಲಿ ಪ್ರಜಾಪ್ರಭುತ್ವದ ಮೇಲೆ ದಾಳಿ ಆಗುತ್ತಿದೆ ಎಂದು ಹೇಳಿದ್ದಾರೆ.ಪ್ರಧಾನಮಂತ್ರಿಯವರು ನನ್ನ ಮುಂದಿನ ಭಾಷಣದ ಬಗ್ಗೆ ಭಯಪಡುತ್ತಿದ್ದಾರೆ.ಪ್ರಧಾನಿ ನನ್ನ ಮುಂದಿನ ಭಾಷಣಕ್ಕೆ ಹೆದರಿದ್ದರಿಂದ ನನ್ನನ್ನು ಅನರ್ಹಗೊಳಿಸಲಾಗಿದೆ. ನಾನು ಅವರ ಕಣ್ಣುಗಳಲ್ಲಿ ಭಯವನ್ನು ಕಂಡಿದ್ದೇನೆ.ಅದಕ್ಕಾಗಿಯೇ ನಾನು ಸಂಸತ್ತಿನಲ್ಲಿ ಮಾತನಾಡಲು ಅವರು ಬಯಸುವುದಿಲ್ಲ ಎಂದು ಕಾಂಗ್ರೆಸ್ ನಾಯಕ ಹೇಳಿದ್ದಾರೆ.

ಅದಾನಿಯವರ ಶೆಲ್ ಕಂಪೆನಿಗಳಿವೆ. ಅದರಲ್ಲಿ 20 ಸಾವಿರ ಕೋಟಿ ಖಾಸಗಿ ವ್ಯಕ್ತಿಗಳು ಹೂಡಿಕೆ ಮಾಡಿದ್ದಾರೆ. ಇದನ್ನು ಹೂಡಿಕೆ ಮಾಡಿದ್ದು ಯಾರು? ಇದನ್ನ ನಾನು ಸಂಸತ್ತಿನಲ್ಲಿ ಕೇಳಿದ್ದೇನೆ.

ನಾನು ವಿದೇಶಗಳು ಭಾರತದ ಸಮಸ್ಯೆ ಬಗ್ಗೆ ಚರ್ಚಿಸಲು ಮಧ್ಯಪ್ರವೇಶ ಮಾಡಬೇಕು ಎಂದು ಹೇಳಿದೆ ಎಂಬ ಸುಳ್ಳು ಹಬ್ಬಿಸಿದರು.ನನ್ನ ಮೇಲೆ ಸುಳ್ಳು ಆರೋಪ ಮಾಡಿದ್ದಾರೆ, ಇದರ ಮಾತನಾಡುವ ಅವಕಾಶ ಕೊಡಿ ಎಂದು ಕೇಳಿದೆ. ಆದರೆ ಸ್ಪೀಕರ್ ನನ್ನ ಮನವಿ ನೋಡಿ ನಕ್ಕರು. ನನಗೆ ಪ್ರಶ್ನೆ ಕೇಳಲು ಭಯ ಇಲ್ಲ ಎಂದು ಹೇಳಿದ್ದಾರೆ.

ನಾನು ಯಾವ ಸುಳ್ಳು ಆರೋಪಗಳಿಗೆ ಹೆದರಲ್ಲ. ಅವರನ್ನು ನೋಡಿ ಎಲ್ಲರೂ ಹೆದರಿಕೊಳ್ತಾರೆ ಎಂದು ಅವರು ಅನ್ಕೊಂಡಿದ್ದಾರೆ.ಆದ್ರೆ ನಾನು ಆತರ ಅಲ್ಲಾ, ನಾನು ಇವ್ರಿಗೆಲ್ಲ ಹೆದರುವುದು ಇಲ್ಲಾ. ನನ್ನ ಹೋರಾಟ ಎಂದಿಗೂ ಸಹ ಮುಂದುವರಿಯುತ್ತೆ. ಪ್ರಜಾತಂತ್ರ ವ್ಯವಸ್ಥೆಯಡಿ ನಾನು ಹೋರಾಟ ಮಾಡ್ತೇನೆ ಎಂದು ರಾಹುಲ್ ಗಾಂಧಿ ಹೇಳಿದ್ದಾರೆ.