ನವದೆಹಲಿ;ಭಾರತೀಯ ಮೂಲದ ವೈದ್ಯೆ ಪ್ರೊಫೆಸರ್ ಮೇಘನಾ ಪಂಡಿತ್ ಅವರನ್ನು UKಯ ಅತಿದೊಡ್ಡ ಬೋಧನಾ ಆಸ್ಪತ್ರೆಗಳಲ್ಲಿ ಒಂದಾದ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಹಾಸ್ಪಿಟಲ್ಸ್ NHS ಫೌಂಡೇಶನ್ ಟ್ರಸ್ಟ್‌ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ನೇಮಿಸಲಾಗಿದೆ.
ಪಂಡಿತ್ ಅವರು ಟ್ರಸ್ಟ್‌ನ ಮೊದಲ ಮಹಿಳಾ ಮುಖ್ಯಸ್ಥರಾಗುತ್ತಾರೆ. ಅವರು ಬ್ರಿಟನ್ ದೇಶದ ಕೆಲವು ಅತಿದೊಡ್ಡ ಬೋಧನಾ ಆಸ್ಪತ್ರೆಗಳನ್ನು ಪ್ರತಿನಿಧಿಸುವ ಶೆಲ್ಫೋರ್ಡ್ ಗ್ರೂಪ್‌ನಲ್ಲಿ ರಾಷ್ಟ್ರೀಯ ಆರೋಗ್ಯ ಸೇವೆ (NHS) ಟ್ರಸ್ಟ್‌ನ CEO ಆಗಿ ನೇಮಕಗೊಂಡ ಭಾರತೀಯ ಪರಂಪರೆಯ ಮೊದಲ ವ್ಯಕ್ತಿಯಾಗಿದ್ದಾರೆ.
ಜುಲೈ 2022 ರಿಂದ ಆಕ್ಸ್‌ಫರ್ಡ್ ಯೂನಿವರ್ಸಿಟಿ ಹಾಸ್ಪಿಟಲ್ಸ್ (OUH) ನಲ್ಲಿ ಮಧ್ಯಂತರ ಸಿಇಒ ಆಗಿ ಸೇವೆ ಸಲ್ಲಿಸುತ್ತಿರುವ ಪಂಡಿತ್, ಕಠಿಣ ಪರಿಶ್ರಮದ ಬಳಿಕ ಇದೀಗ ಪೂರ್ಣಾವಧಿಯ ಸಿಇಒ ಆಗಿ ಆಯ್ಕೆಯಾಗಿದ್ದಾರೆ.
