ರಾಜಸ್ಥಾನ;ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವ ಸಲೇಹ್ ಮೊಹಮ್ಮದ್ ಅವರದ್ದು ಎನ್ನಲಾದ ಒಂದು ಅಶ್ಲೀಲ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಬಿಜೆಪಿ ಅವರನ್ನು ವಜಾಗೊಳಿಸುವಂತೆ ಒತ್ತಾಯಿಸಿದೆ.
ಸೋಷಿಯಲ್ ಮೀಡಿಯಾದಲ್ಲಿನ ವೈರಲ್ ಕ್ಲಿಪ್‌ನಲ್ಲಿ ಸಚಿವರು ಮತ್ತು ಒಳ ಉಡುಪಿನಲ್ಲಿರುವ ಮಹಿಳೆಯ ನಡುವಿನ ವೀಡಿಯೊ ಚಾಟ್ ರೀತಿ ಕಾಣಬಹುದಾಗಿದೆ.
ಈ ಬಗ್ಗೆ ಪ್ರತಿಕ್ರಿಯೆಗೆ ಸಚಿವರು ಸಂಪರ್ಕಕ್ಕೆ ಸಿಗಲಿಲ್ಲ ಎಂದು ದಿ ಫ್ರಿಂಟ್ ವರದಿ ಮಾಡಿದೆ.
ರಾಜ್ಯದಲ್ಲಿ ಅಶೋಕ್ ಗೆಹ್ಲೋಟ್ ನೇತೃತ್ವದ ಸರ್ಕಾರ ಸಚಿವರನ್ನು ವಜಾಗೊಳಿಸಬೇಕು ಎಂದು ಬಿಜೆಪಿ ಒತ್ತಾಯಿಸಿದೆ.
“ಅಶೋಕ್ ಗೆಹ್ಲೋಟ್ ಜೀ, ನಿಮ್ಮ ಸಚಿವರು ಮಹಿಳೆಯೊಂದಿಗೆ ಇರುವ ಆಕ್ಷೇಪಾರ್ಹ ವಿಡಿಯೋ ವೈರಲ್ ಆಗುತ್ತಿರುವುದು ಇದೇ ಮೊದಲಲ್ಲ. ನೀವು ವೋಟ್ ಬ್ಯಾಂಕ್‌ಗಾಗಿ ದುರಾಸೆಯಿಂದ ಸಚಿವ ಸಲೇಹ್ ಮೊಹಮ್ಮದ್ ಅವರನ್ನು ವಜಾಗೊಳಿಸುತ್ತೀರಾ ಅಥವಾ ಅವರನ್ನು ಬಿಡುತ್ತೀರಾ ಎಂದು ರಾಜಸ್ಥಾನ ಬಿಜೆಪಿ ವಿಡಿಯೋವೊಂದರ ಜೊತೆ ಟ್ವೀಟ್ ಮಾಡಿದೆ.
ಬಿಜೆಪಿಯ ರಾಷ್ಟ್ರೀಯ ಮಾಹಿತಿ ಮತ್ತು ತಂತ್ರಜ್ಞಾನ ವಿಭಾಗದ ಉಸ್ತುವಾರಿ ಅಮಿತ್ ಮಾಳವಿಯಾ ಟ್ವೀಟ್ ಮಾಡಿದ್ದು, ಸಾಲೇಹ್ ಮೊಹಮ್ಮದ್ ಅವರು ಮಾಜಿ ಕ್ಯಾಬಿನೆಟ್ ಸಚಿವ ಗಾಜಿ ಫಕೀರ್ ಅವರ ಪುತ್ರರಾಗಿದ್ದಾರೆ, ಅವರು ನಿಧನರಾಗಿದ್ದಾರೆ.ಅವರಿಂದಲೇ ಸಾಲೇಹ್ ಅವರನ್ನು ಮಂತ್ರಿ ಮಾಡಲಾಯಿತು. ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿಗೆ ನಿಷ್ಠೆ ತೋರಿಸಿದ್ದಕ್ಕೆ ಮಿನಿಸ್ಟರ್ ಮಾಡಲಾಗಿದೆ ಎಂದು ಹೇಳಿದ್ದಾರೆ.
ಇನ್ನು ವಿಡಿಯೋ ಅಸಲಿಯೋ ಅಥವಾ ನಕಲಿಯೋ? ವಿಡಿಯೋದಲ್ಲಿರುವುದ ಸಚಿವ ಸಾಲೇಹ್ ಅವರಾ ಎನ್ನುವುದು ತನಿಕೆಯಿಂದಲೇ ತಿಳಿದು ಬರಬೇಕಿದೆ.
