ಬೋಳು ತಲೆಯ ಕಾರಣ ನೀಡಿ ವ್ಯಕ್ತಿಯನ್ನು ಕೆಲಸದಿಂದ ವಜಾಗೊಳಿಸಿದ ಕಂಪೆನಿ; 71 ಲಕ್ಷ ಪರಿಹಾರ ಕೊಡುವಂತೆ ಕೋರ್ಟ್ ಸೂಚನೆ

ಬೋಳು ತಲೆಯ ಕಾರಣ ನೀಡಿ ವ್ಯಕ್ತಿಯೋರ್ವರನ್ನು ಕೆಲಸದಿಂದ ತೆಗೆದು ಹಾಕಿದ ವಿಚಿತ್ರ ಘಟನೆ ಇಂಗ್ಲೆಂಡ್​ನಲ್ಲಿ ನಡೆದಿದೆ.

ಕಂಪೆನಿಯ ನಿರ್ಧಾರವನ್ನು ಪ್ರಶ್ನಿಸಿ ಕೋರ್ಟ್ ಮೆಟ್ಟಿಲೇರಿದ ವ್ಯಕ್ತಿ ಇದೀಗ 71 ಲಕ್ಷ ರೂಪಾಯಿ ಪರಿಹಾರವನ್ನು ಪಡೆದುಕೊಂಡಿದ್ದಾರೆ.

60ರ ಹರೆಯದ ಮಾರ್ಕ್​ ಜೋನ್ಸ್​ ಎಂಬುವವರನ್ನು ಸ್ವತಃ ಬೋಳುತಲೆಯ ಮಧ್ಯ ವಯಸ್ಕ ಫಿಲಿಫ್​ ಹೆಸ್ಕತ್​ ಎಂಬವರು
ಕೆಲಸದಿಂದ ವಜಾ ಮಾಡಿದ್ದರು.ತನ್ನ ತಂಡದಲ್ಲಿ ಬೋಳು ತಲೆಯ ವ್ಯಕ್ತಿ ಇರಕೂಡದು ಎಂದು ಕೆಲಸದಿಂದ ಒತ್ತಾಯಪೂರ್ವಕವಾಗಿ ರಾಜೀನಾಮೆ ಪಡೆದಿದ್ದರು ಎನ್ನಲಾಗಿದೆ.

ಈ ಕುರಿತ ದೂರಿ‌ನ ಅರ್ಜಿ ವಿಚಾರಣೆ ನಡೆಸಿದ ಕೋರ್ಟ್, ಬೋಳು ತಲೆ ಕೆಲಸದಿಂದ ವಜಾಗೊಳಿಸಲು ನೀಡುವ ಕಾರಣವಲ್ಲ.ಜೋನ್ಸ್​ರನ್ನು ಕೆಲಸದಿಂದ ತೆಗೆದಿರುವುದಕ್ಕೆ 71 ಲಕ್ಷ ರೂ ಪರಿಹಾರ ನೀಡಬೇಕೆಂದು ಆದೇಶ ನೀಡಿದೆ.