ಟರ್ಕಿ ಹಾಗೂ ಸಿರಿಯಾದಲ್ಲಿ ಪ್ರಬಲ ಭೂಕಂಪಕ್ಕೆ 5,000 ಕ್ಕೂ ಅಧಿಕ ಜನರು ಮೃತಪಟ್ಟಿದ್ದಾರೆ.11,000 ಕಟ್ಟಡಗಳಿಗೆ ಹಾನಿಯಾಗಿ ಟರ್ಕಿ- ಸಿರಿಯಾ ನೆಲ ಅಕ್ಷರಶಃ ಸ್ಮಶಾನದಂತಾಗಿದೆ.
ಭೂಕಂಪನ ಪೀಡಿತ ಪ್ರದೇಶಗಳಲ್ಲಿ ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ.ಭೂಕಂಪದ ಅವಶೇಷಗಳಡಿ ಘಾನಾ ವಿಂಗರ್ ಕ್ರಿಶ್ಚಿಯನ್ ಅಟ್ಸು ಸಿಲುಕಿಕೊಂಡಿದ್ದಾರೆ ಎಂದು ಕ್ರಿಶ್ಚಿಯನ್ ಅಟ್ಸು ಅವರು ಪ್ರತಿನಿಧಿಸುತ್ತಿರುವ ಟರ್ಕಿಶ್ ಕ್ಲಬ್ ಹಯಾಟ್ಸ್‌ಪೋರ್‌ನ ಉಪಾಧ್ಯಕ್ಷರು ಹೇಳಿದ್ದಾರೆ.
ಮಾಜಿ ನ್ಯೂ ಕ್ಯಾಸಲ್ ಹಾಗೂ ಚೆಲ್ಸಿಯಾ ಮಿಡ್‌ಫೀಲ್ಡರ್ ಅಟ್ಸು(31) ಸೆಪ್ಟೆಂಬರ್‌ನಲ್ಲಿ ಸೂಪರ್ ಲಿಗ್ ತಂಡವನ್ನು ಸೇರಿಕೊಂಡಿದ್ದರು.ಅಟ್ಸು ಅವರ ಕ್ರೀಡಾ ನಿರ್ದೇಶಕರಾದ ಟಾನರ್ ಸಾವುತ್ ಕೂಡ ಕುಸಿದುಬಿದ್ದಿರುವ ಕಟ್ಟಡದ ಅವಶೇಷಗಳಡಿ ಇದ್ದಾರೆಂದು ಹೇಳಲಾಗಿದೆ.
ಟಾನರ್ ಸಾವುತ್ ಮತ್ತು ಕ್ರಿಶ್ಚಿಯನ್ ಅಟ್ಸು ಇನ್ನೂ ಅವಶೇಷಗಳಡಿ ಸಿಲುಕಿದ್ದಾರೆಂದು ಮುಸ್ತಫಾ ಓಜಾಟ್ ಹೇಳಿದ್ದಾರೆ.
ಕ್ಲಬ್ ಅಧಿಕಾರಿಗಳಿಗೆ ಈ ಇಬ್ಬರನ್ನು ಸಂಪರ್ಕಿಸಲು ಸಾಧ್ಯವಾಗಿಲ್ಲ ಎಂದು ಕ್ಲಬ್ ಡೈರೆಕ್ಟರ್ ತಿಳಿಸಿದ್ದಾರೆ.
