ದಾವಣಗೆರೆ;ಪ್ರಧಾನಿ ಮೋದಿ ರೋಡ್ ಶೋ ವೇಳೆ ಯುವಕನೋರ್ವ ಭದ್ರತೆ ಮೀರಿ ಪ್ರಧಾನಿ ವಾಹನದ ಬಳಿ ಓಡಿರುವ ಘಟನೆ ನಡೆದಿದೆ.
ಪ್ರಧಾನಿ ವಾಹನದ ಕಡೆ ಓಡಲು ಪ್ರಯತ್ನಿಸುತ್ತಿದ್ದ ವ್ಯಕ್ತಿಯನ್ನ ಬಂಧಿಸಲಾಗಿದೆ. ಸ್ಥಳದಲ್ಲಿ ಪೊಲೀಸ್ ಪಡೆಯನ್ನು ನಿಯೋಜಿಸಲಾಗಿತ್ತು.ವ್ಯಕ್ತಿ ಓಡಿಕೊಂಡು ಬರುವಾಗ ಪೊಲೀಸರು ಆತನಿಗೆ ತಡೆದಿದ್ದಾರೆ.
ಇದೀಗ ಭದ್ರತಾ ಸಿಬ್ಬಂದಿಗಳು ಆತನನ್ನು ವಶಕ್ಕೆ ತೆಗೆದುಕೊಂಡಿದ್ದು ವಿಚಾರಣೆಗೆ ಒಳಪಡಿಸಲಾಗಿದೆ. ವ್ಯಕ್ತಿಯ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಸಂಗ್ರಹಿಸಲಾಗುತ್ತಿದೆ.
ಇದೊಂದು ಗಂಭೀರವಾದ ಭದ್ರತಾ ಲೋಪ ಎಂದು ಹೇಳಲಾಗಿದೆ.ಪ್ರಧಾನಿಯವರ ರೋಡ್ ಶೋ ಹಿನ್ನೆಲೆ ರಸ್ತೆಯ ಎರಡೂ ಬದಿಗಳಲ್ಲಿ ಬ್ಯಾರಿಕೇಡ್’ಗಳನ್ನು ಹಾಕಲಾಗಿತ್ತು. ಜನರಿಗೆ ಬ್ಯಾರಿಕೇಡ್ ನ್ನು ಜಿಗಿದು ರಸ್ತೆಗೆ ಬರುವಂತಿಲ್ಲ ಎಂದು ಮುಂಚಿತವಾಗಿ ತಿಳಿಸಲಾಗಿತ್ತು. ಇದರ ಹೊರತಾಗಿಯೂ ಯುವಕ ಬ್ಯಾರಿಕೇಡ್ ಜಿಗಿದು ಪ್ರಧಾನಿಯ ಕಡೆಗೆ ಓಡಿ ಹೋಗಿದ್ದಾನೆ.
