ಚರಂಡಿಯಲ್ಲಿ ಹಣದ ಬಂಡಲ್ ಪತ್ತೆ;ನೋಟುಗಳನ್ನು ಸಂಗ್ರಹಿಸಲು ಮುಗಿಬಿದ್ದ ಜನ
ಪಾಟ್ನಾ;ಚರಂಡಿಯಲ್ಲಿ ಬಿದ್ದಿದ್ದ ನೋಟುಗಳನ್ನು ಸಂಗ್ರಹಿಸಲು ಜನರು ಮುಗಿಬಿದ್ದ ಘಟನೆ ನಡೆದಿದೆ.ಈ ಕುರಿತ ವಿಡಿಯೋ ಕೂಡ ವೈರಲ್ ಆಗಿದೆ.
ಬಿಹಾರದ ರೋಹ್ತಾಸ್ ಜಿಲ್ಲೆಯ ಸಸಾರಾಮ್ ಪಟ್ಟಣದ ವಿಡಿಯೋ ಇದು ಎನ್ನಲಾಗಿದೆ.ಸಾಸರಾಮ್ ಪಟ್ಟಣದ ಮೊರಾದಾಬಾದ್ ಗ್ರಾಮದ ಚರಂಡಿಯಿಂದ ಹಲವಾರು ಜನರು ಕರೆನ್ಸಿ ನೋಟುಗಳನ್ನು ಹೆಕ್ಕಿದ್ದಾರೆ.
ರಾಜಧಾನಿ ಪಾಟ್ನಾದಿಂದ ಸುಮಾರು 150 ಕಿಮೀ ದೂರದಲ್ಲಿರುವ ಸಸಾರಾಮ್‌ನಲ್ಲಿ ಈ ಘಟನೆ ನಡೆದಿದೆ.
ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಹಲವರು ಚರಂಡಿಗೆ ಇಳಿದು 2,000, 500, 100 ಮತ್ತು 10 ರೂಪಾಯಿ ಮುಖಬೆಲೆಯ ಕರೆನ್ಸಿ ನೋಟುಗಳನ್ನು ಸಂಗ್ರಹಿಸುತ್ತಿರುವುದನ್ನು ಕಾಣಬಹುದು.
ಬೆಳಿಗ್ಗೆ ಚರಂಡಿಯೊಳಗೆ ಕರೆನ್ಸಿ ನೋಟುಗಳಿರುವ ಚೀಲಗಳನ್ನು ನೋಡಿದ್ದೇವೆ ಎಂದು ಸ್ಥಳೀಯ ಗ್ರಾಮಸ್ಥರು ಹೇಳಿದ್ದಾರೆ. ಕೂಡಲೇ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಧಾವಿಸಿ ನೋಟುಗಳನ್ನು ಸಂಗ್ರಹಿಸತೊಡಗಿದರು. ನೋಟುಗಳು ಅಸಲಿ ಎಂದು ಕೂಡ ಹೇಳಿಕೊಂಡಿದ್ದಾರೆ. ಈ ಕುರಿತ ವಿಡಿಯೋ ಸಖತ್ ವೈರಲ್ ಆಗಿದೆ.
