ಮಹಾರಾಷ್ಟ್ರ;ಮುಸ್ಲಿಮರ ವಿರುದ್ಧ ಪ್ರಚೋದನಕಾರಿ ಹೇಳಿಕೆಗಳನ್ನು ನೀಡಿದ್ದ ಉಚ್ಛಾಟಿತ ಬಿಜೆಪಿ ಶಾಸಕ ಟಿ ರಾಜಾ ಸಿಂಗ್ ಅವರ ವಿರುದ್ಧ ಅಹ್ಮದ್‌ನಗರ್‌ ಜಿಲ್ಲೆಯ ಶ್ರೀರಾಂಪುರ್‌ ನಗರದಲ್ಲಿ ಎಫ್‌ಐಆರ್‌ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಮಾರ್ಚ್‌ 10 ರಂದು ನಡೆದ ಕಾರ್ಯಕ್ರಮದಲ್ಲಿ ಮುಸ್ಲಿಮರ ವಿರುದ್ಧ ನಿಂದನಾತ್ಮಕವಾಗಿ ರಾಜಾ ಸಿಂಗ್ ಹೇಳಿಕೆ ಕೊಟ್ಟಿದ್ದ.2026 ರಲ್ಲಿ ಭಾರತವನ್ನು ಹಿಂದು ರಾಷ್ಟ್ರ ಮಾಡಲಾಗುವುದು ಎಂದೂ ಕೂಡ ಹೇಳಿದ್ದ.
ನಮ್ಮ ಹಿಂದೂ ರಾಷ್ಟ್ರದಲ್ಲಿ ನೀವು ದಿನಕ್ಕೆ ಐದು ಬಾರಿ ಏನು ಮಾಡುತ್ತೀರೋ ಅದನ್ನು ಮಾಡಲು ನೀವು ಧ್ವನಿವರ್ಧಕವನ್ನು ಸಹ ಪಡೆಯುವುದಿಲ್ಲ, ಮಾಧ್ಯಮ ಸಂದರ್ಶನವೊಂದರಲ್ಲಿ, ಶಿವಸೇನೆ ಸಂಸ್ಥಾಪಕ ದಿವಂಗತ ಬಾಳ್ ಠಾಕ್ರೆ ಅವರು ಕೀಟಗಳು ಮತ್ತು ಜಿರಳೆಗಳನ್ನು (ಮುಸ್ಲಿಮರು) ಸ್ಪ್ರೇ ಮೂಲಕ “ನಿರ್ಮೂಲನೆ ಮಾಡುವ” ಬಗ್ಗೆ ಮಾತನಾಡಿದ್ದರು ಎಂದು ಸಿಂಗ್ ಹೇಳಿದ್ದಾರೆ.
ಮುಸ್ಲಿಮರಿಗೆ ಥಳಿಸಬೇಕಿದ್ದರೆ ಬಜರಂಗದಳ ಸೇರಿ ಎಂದು ಹೈದರಾಬಾದ್‌ನ ಗೋಶಮಹಲ್‌ ಕ್ಷೇತ್ರದ ಶಾಸಕರಾಗಿರುವ ಸಿಂಗ್ ಹೇಳಿದ್ದು, ಈ ಬಗ್ಗೆ ವ್ಯಾಪಕ ವಿರೋಧ ವ್ಯಕ್ತವಾಗಿತ್ತು.
