ಅಬ್ದುಲ್ ಅಹದ್ ಶೇಕ್(18)ಮೃತ ದುರ್ದೈವಿ.ಬೈಕ್ ಸವಾರ 17 ವರ್ಷದ ಯುವಕ ಗಂಭೀರವಾಗಿದ್ದಾನೆ.
ಮುಂಬೈ;ಬೈಕ್ ಸವಾರ ಪೊಲೀಸರನ್ನು ಕಂಡು ಗಾಬರಿಗೊಂಡು ಯು ಟರ್ನ್ ಹೊಡೆದು ವೇಗದಿಂದ ಬೈಕ್ ಚಲಾಯಿಸಿದಾಗ ಬೈಕ್ ಫ್ಲೈಓವರ್ ನ ಗೋಡೆಗೆ ಡಿಕ್ಕಿ ಹೊಡೆದು 40 ಅಡಿ ಆಳದ ರಸ್ತೆಗೆ ಬಿದ್ದು ಓರ್ವ ಯುವಕ ಮೃತಪಟ್ಟ ಘಟನೆ ಮುಂಬೈನ ಬಾಂದ್ರಾ ಮೇಲ್ಸೇತುವೆಯಲ್ಲಿ ನಡೆದಿದೆ.
ಬೈಕ್ ಸಹಸವಾರ ಅಬ್ದುಲ್ ಅಹದ್ ಶೇಕ್(18)ಮೃತ ದುರ್ದೈವಿ.ಬೈಕ್ ಸವಾರ 17 ವರ್ಷದ ಯುವಕ ಗಂಭೀರವಾಗಿದ್ದಾನೆ.ಆತನಿಗೆ ಬಾಬಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
ಬುಧವಾರ ನಸುಕಿನ ವೇಳೆ ಬಾಂದ್ರಾ ಫ್ಲೈಓವರ್ ನಲ್ಲಿ ಪೊಲೀಸರು ಗಸ್ತು ತಿರುಗುತ್ತಿದ್ದರು.ಈ ವೇಳೆ ಬೈಕ್ ನಲ್ಲಿ ಬಂದ ಯುವಕರು ಸೇತುವೆಯಲ್ಲಿ ಪೊಲೀಸರನ್ನು ಕಂಡು ಕೂಡಲೇ ಬೈಕ್ ನ್ನು ತಿರುಗಿಸಿ ವೇಗವಾಗಿ ಹೊರಟಿದ್ದರು. ಆಗ ಬೈಕ್ ಫ್ಲೈಓವರ್ ಗೆ ಡಿಕ್ಕಿ ಹೊಡೆದು ಇಬ್ಬರು 40 ಅಡಿ ಆಳದ ರಸ್ತೆಗೆ ಎಸೆಯಲ್ಪಟ್ಟಿದ್ದರು.
