ಮುಕ್ತಸರ ಸಾಹಿಬ್‌ನ ಬಾಮ್ ಗ್ರಾಮದ ನಿವಾಸಿ 87 ವರ್ಷದ ಬಲ್ಜಿತ್ ಸಿಂಗ್ ಮಾನ್ ಅವರು ತಮ್ಮ ಕೋಟಿಗೂ ಅಧಿಕ ಬೆಲೆ ಬಾಳುವ ಆಸ್ತಿಯನ್ನು ತನ್ನ ಸಿಬ್ಬಂದಿಗೆ ದಾನ ಮಾಡಿ ಸುದ್ದಿಯಾಗಿದ್ದಾರೆ.
ತನ್ನ 30 ಎಕರೆ ಜಮೀನು, ಮನೆಗಳು ಹಾಗೂ ಐಷಾರಾಮಿ ವಾಹನಗಳನ್ನು ತನ್ನ ಸೇವಕರ ಹೆಸರಿಗೆ ಬರೆದು ಬಲ್ಜಿತ್ ಸಿಂಗ್ ಬರೆದುಕೊಟ್ಟಿದ್ದಾರೆ.
2011ರಲ್ಲಿ ತನ್ನ ಪತ್ನಿಯ ಮರಣದ ನಂತರ ಅವರು ಒಂಟಿಯಾಗಿದ್ದರು. ಈ ವೇಳೆ ಕೆಲವು ಸಿಬ್ಬಂದಿಗಳು ಅವರಿಗೆ ಬೆನ್ನೆಲುಬಾಗಿ ನಿಂತಿದ್ದರು.ಇವರದೇ ಹೆಸರಿನಲ್ಲಿದ್ದ ಬಟಿಂಡಾ ಪೆಟ್ರೋಲ್ ಪಂಪ್‌ನಲ್ಲಿ ಕೆಲಸ ಮಾಡುತ್ತಿರುವ ಇಕ್ಬಾಲ್ ಎಂಬ ನೌಕರನ ಹೆಸರಿನಲ್ಲಿ 19 ಎಕರೆ ಭೂಮಿ ಬರೆದು ಕೊಟ್ಟಿರುವುದಾಗಿ ಬಲ್ಜಿತ್ ಸಿಂಗ್ ಹೇಳಿದ್ದಾರೆ.
ಇದಲ್ಲದೆ ಮತ್ತಿಬ್ಬರು ಸೇವಕರ ಹೆಸರಿನಲ್ಲಿ 6 ಮತ್ತು 4 ಎಕರೆ ಜಮೀನು ಬರೆದುಕೊಟ್ಟಿದ್ದಾರೆ. ಆಸ್ತಿ ಸಿಕ್ಕ ಮೇಲೆ ಕೆಸಲಗಾರರು ಕೂಡ ಖುಷಿಯಾಗಿದ್ದಾರೆ. ಬಾಲ್ಜಿತ್ ಸಿಂಗ್ ಅವರು ತಮ್ಮ ಐಷಾರಾಮಿ ಮನೆಯನ್ನು ನನಗೆ ನೀಡಿದ್ದಾರೆ ಎಂದು ಸೇವಕ ಇಕ್ಬಾಲ್ ಸಿಂಗ್ ಹೇಳಿದ್ದಾರೆ.
