ತಿರುವನಂತಪುರಂ:ಮೊಬೈಲ್ ಗೇಮ್ ಆಡುವಾಗ ಕೈಯಲ್ಲಿ ಹಿಡಿದಿದ್ದ ಮೊಬೈಲ್ ಸ್ಫೋಟಗೊಂಡು 8 ವರ್ಷದ ಬಾಲಕಿಯೊಬ್ಬಳು ಮೃತಪಟ್ಟ ದುರ್ಘಟನೆ ಕೇರಳದ ತಿರುವಿಲ್ವಾಮಲದಲ್ಲಿ ನಡೆದಿದೆ.
ಆದಿತ್ಯಶ್ರೀ ಮೃತ ಬಾಲಕಿ.ಈಕೆ ಮೂರನೇ ತರಗತಿ ಓದುತ್ತಿದ್ದಳು.
ಸೋಮವಾರ ರಾತ್ರಿ 10.30ರ ಹೊತ್ತಿಗೆ ಬಾಲಕಿ ಕೈಯಲ್ಲಿ ಮೊಬೈಲ್ ಹಿಡಿದುಕೊಂಡು ವಿಡಿಯೊ ನೋಡುತ್ತ ಕುಳಿತಿದ್ದಳು.ಈ ವೇಳೆ ಮೊಬೈಲ್ ಬ್ಯಾಟರಿ ಹೀಟ್ ಆಗಿ ಸ್ಫೋಟವಾಗಿರಬಹುದು ಎಂದು ಪೊಲೀಸರು ತಿಳಿಸಿದ್ದಾರೆ.
ಈ ಕುರಿತು ವಿಧಿವಿಜ್ಞಾನ ಪರೀಕ್ಷೆ ನಂತರವೇ ಸ್ಪಷ್ಟ ಕಾರಣ ಗೊತ್ತಾಗಲಿದೆ ಎಂದು ಅವರು ತಿಳಿಸಿದ್ದಾರೆ.ಈ ಫೋನ್ನ್ನು ಮೂರು ವರ್ಷಗಳ ಹಿಂದೆ ಖರೀದಿ ಮಾಡಲಾಗಿತ್ತು.
ಕಳೆದ ವರ್ಷ ಈ ಮೊಬೈಲ್ ಬ್ಯಾಟರಿಯನ್ನು ಬದಲಿಸಲಾಗಿತ್ತು.ಎಲ್ಲಿ ಮೊಬೈಲ್ ಖರೀದಿ ಮಾಡಲಾಗಿತ್ತೋ, ಅಲ್ಲೇ ಬ್ಯಾಟರಿಯನ್ನು ಬದಲು ಮಾಡಲಾಗಿತ್ತು ಎಂದು ಹೇಳಲಾಗಿದೆ.
ಘಟನೆಯಲ್ಲಿ ಬಾಲಕಿಯ ಮುಖಕ್ಕೆ ತೀವ್ರ ಗಾಯವಾಗಿತ್ತು. ಆಕೆಯ ಬಲಗೈ ಕೈಬೆರಳುಗಳು, ಅಂಗೈಯೆಲ್ಲ ತುಂಡಾಗಿತ್ತು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
